Pendúll
Pendúll er spátæki sem allir geta lært að nota, það er ekki flókið og allt sem þú þarft er smá þolinmæði!
Það er hægt að nota pendúl á margskonar hátt, en hér skoðum við eina algengustu notkun hans.
Að nota pendúl til þess að svara einföldum já/nei spurningum er sennilega algengasta notkun pendúls og hér fyrir neðan eru leiðbeiningar í örfáum skrefum sem hjálpa þér að ná taki á þessari tækni!
Þú þarft pendúl til þess að æfa þig í þessari tækni, þú getur fengið slíkan í mörgum mismunandi búðum.
Það er líka hægt að nota hring sem þú setur upp á hálskeðju, nál í tvinna
eða bara hálsmen!
Já/Nei Spurningar með pendúl!
1
Komdu þér vel fyrir á stað þar sem þú færð frið. Reyndu að róa hugann og taktu nokkur djúp andartök til þess að tengja hug og líkama.
Haltu á keðjunni með pendúlnum fyrir framan þig, gjarnan yfir borði eða opnum lófa.
2
Fyrst skaltu finna út úr hvað hreyfingar pendúlsins þýða. Biddu pendúlinn um að "sýna þér já" og taktu eftir því hvernig pendúllinn hreyfist. Sumir hreyfast réttsælis á meðan aðrir hreyfast til hliðar t.d. Þakkaðu fyrir og biddu pendúlinn svo um að sýna þér "nei". Æfðu þig með því að spyrja nokkrar spurningar sem þú veist þegar svarið við þar til þér finnst þú vera farin að sjá og skilja hreyfingarnar (svörin) nógu vel.
3
Þegar þú ert tilbúin skaltu spyrja pendúlinn spurningar. Hafðu spurningarnar einfaldar og passaðu að það sé hægt að svara þeim með "já" eða "nei". Hafðu hugann þinn rólegann og einbeittann og leyfðu pendúlnum að tengjast orkunni þinni. Haltu keðjunni kyrri og leyfðu pendúlnum sjálfum að sjá um hreyfinguna.
Um að gera að byrja á léttum og skemmtilegum spurningum.
4
Þegar þú ert búin/nn að fá svörin sem þú sóttist eftir skaltu "loka" með því að þakka fyrir þig. og geymdu svo pendúlinn á öruggum stað. Sumum finnst gott að geyma hann í litlum taupoka, vafðann inn í efni eða í litlum kassa. Finndu hvað hentar þér!
5
Vertu svo dugleg/ur að æfa þig! Eins og með svo margt annað þarf að gefa þessu tíma og þolinmæði, en líka leyfa orkunni þinni að flæða í pendúlinn.
