Hvað er ára?
Það þarf ekki að vera miðill eða sjáandi til þess að geta séð árur.
Sumir miðlar og sjáendur sérhæfa sig í árulestri, sumir sjá árur frá barnsaldri en ALLIR geta séð þær með smá æfingu.
Besta leiðin til þess að upplifa áru annara er að finna fyrir henni.
Þú hefur sennilega oft tekið eftir þessu áður, þegar þú hittir fólk í fyrsta sinn.
Með því að taka eftir því hvernig áhrif mismunandi fólk hefur á tilfinningarnar þínar.
Fyrsta upplifun sumra einstaklinga gæti valdið þér kvíða á meðan þú finnur fyrir afslöppun og þægindum í kringum aðra.
Þessi viðbrögð við fólki, við köllum þetta oft innsæi eða að vera mannglöggur, eru meðfædd viðbrögð þín við áru annara.
Ára er það sem við köllum orkusviðið sem líkaminn okkar gefur frá sér.
Það er almennt talið, innan andlega sviðsins, að tíðni orkusviðsins okkar samsvari tilfinningum okkar og því hvernig við bregðumst við öðru fólki.
Mismunandi orkutíðni sviðsins eru oft túlkaðar með mismunandi litum, þegar þú sérð áru ertu því að sjá orkusvið í kringum aðra manneskju.
Orkusviðið getur verið marglaga, með mismunandi litum og jafnvel mismunandi í laginu.
Það eru þó ekki einungis menn sem hafa árur, dýr, plöntur og allar lifandi verur eru einnig umkringd sínum eigin orkusviðum.
Eftir því sem þú æfir þig meira muntu verða næmari fyrir árum og ferð að sjá þær í kringum allt líf.
Einfaldar leiðbeiningar til þess að læra að sjá árur
1
Byrjaðu á að setja einstaklinginn sem þú ætlar að skoða áruna hjá upp við hvítann eða ljósann vegg (ef þú vilt skoða þína eigin getur þú sett handlegg fyrir framan ljósann bakgrunn, eða skoðað þig í spegli með ljósann bakgrunn fyrir aftan þig).
2
Athugaðu að það séu engin sterk ljós eða kastarar í rýminu, sem gætu kastað of miklum skugga. Ljósaskiptin eru fullkominn tími til að nýta bestu birtuna í þetta verkefni!
3
Sestu á móti þeim sem þú ætlar að sjá áruna hjá.
Gott er að hafa í kringum 1,5m á milli ykkar.
Taktu nokkur djúp andartök og slakaðu vel á.
4
Einbeittu svo sjóninni að miðpunkti á andliti manneskjunnar sem þú ætlar að skoða áruna hjá, gott að miða við þriðja augað!
Leyfðu svo augunum að missa fókusinn , svipað eins og þegar manni er að dagdreyma eða er með “störu”.
5
Eftir smá stund munt þú sjá mildann ljóma í kringum manneskjuna - venjulega í kringum höfuð og axlir.
Þessi ljómi er fyrsta lag árunnar!
Mundu að æfing skapar meistarann!
Með því að æfa þig og leyfa augunum að dvelja lengur og lengur við þessa iðju munt þú fara að sjá sterkara ljós, og með tímanum einnig liti.