Leikföng með Læti

Úr 2. þætti; "Ærsladraugar"

---

Eitt kvöld þegar við hjónin sitjum niðri í stofu að gera okkur klár í að fara að horfa á sjónvarpið, heyrum við allt í einu að það er baulað, við vorum bara hvaða baul er þetta.

Mér dettur auðvitað strax í hug barnaherbergin á efri hæðinni og fer upp til að ath, en finn ekkert.

Kem niður aftur og þegar ég er ný sest kemur annað baul…aftur fer ég upp og sný öllu við í herberginu en finn ekki hvaðan baulið kemur, ég fer aftur niður í stofu og aftur kemur baul, þarna er ég alveg staðráðin í að finna hvaðan þetta kemur,svo við setjumst bæði í stigann, ég og maðurinn minn…

og jú jú aftur er baulað og ég stekk af stað og finn svona leikfanga bóndabæ sem er með hljóðum, ég tek eftir að það er hurð á honum sem er hægt að hreyfa og ég prófa að ýta á hana, þá kemur jarm og svo ýti ég aftur og þá kemur grísahljóð og svo kemur hestur og svo hundur og svona gengur þetta, öll dýrahljóð sem hægt getur hugsast og svo síðast er einmitt þetta baul sem ég hafði heyrt.

Það skrítna við þetta er að það komu aldrei nein önnur hljóð frá þessum bóndabæ, nema þetta baul þegar hann var að gefa frá sér hljóðið sjálfur….

Sem er ekki raunin þegar ýtt er á hurðina.

Hlustaðu á hlaðvarpsþáttinn um Ærsladrauga, þar sem við ræðum meðal annars þessa frásögn!