Eyrnalokkurinn

Úr 8. þætti; "Veruleikavillur"

---

Kærastan mín til tveggja ár missti mömmu sína óvænt um 6 mánuðum áður en við kynntumst.

Hún og mamma hennar voru mjög nánar, þær voru eiginlega bestu vinkonur.

Það var gamlárskvöld og við erum á leiðinni til bestu vinkonu kærustu minnar í partý, kærastan mín ákvað að vera með gull eyrnalokka sem mamma hennar gaf henni áður en hún lést.

Á einhverjum tímapunkti týnir kærastan mín öðrum eyrnalokknum, hún var algjörlega eyðilögð yfir því og við leituðum allstaðar sem við höfðum verið það kvöld og á leiðinni í partýið en fundum ekki eyrnalokkinn.

Sólarhring seinna ligg ég nakinn uppi í rúmi að bíða eftir að kærastan mín klárar sturtuna.

Ég er að lesa bók þegar ég finn allt í einu eitthvað detta á bringuna á mér, það var eyrnalokkurinn!

Ég lít í kringum mig en það er auðvitað enginn annar í herberginu, né húsinu!

Ég er ekki með sítt hár, né var ég með hatt og enginn möguleiki á að eyrnalokkurinn hafi á neinn hátt verið fastur við mig allan þennan tíma.

Hlustaðu á hlaðvarpsþáttinn um Veruleikavillur, þar sem við ræðum meðal annars þessa frásögn!