Caroline - frá nornabænum Salem

Úr 16. þætti; "Dúkkur"

---

Caroline er talin vera mjög raunverulega andsetin dúkka. Hún er um 42cm á hæð og með porstulíns höfuð. 

Hún kemur upphaflega frá antík búð í Salem, nornabænum mikla í Bandaríkjunum. 

Caroline hefur alltaf fengið mikla ást

Hún hefur átt marga eigendur og hver og einn þeirra hefur skilið eftir orku og ást í henni. Þeir hafa allir farið mjög vel með hana, enda sér ekki á henni í dag.

Það er talið að 3 sálir búi í Caroline

Sumir halda að 3 andar séu í dúkkunni. Þessir þrír séu allir fastir inni í henni og keppist um stjórnina. 

Caroline hvíslar að þeim sem koma nálægt

Margir paranormal rannsakendur hafa skoðað dúkkuna, þeir hafa allir sína eigin skoðanir á því hvað það sé nákvæmlega sem fylgir Caroline, en eru þó allir sammála um að það er eitthvað.

Caroline er sögð hvísla að þér ef þú heldur henni upp að eyranu. Orðin eru lágróma og oft erfið að skilja. John, einn af fyrrum eigendum Caroline sagði að hún segði alltaf

“Make it you” eða “gerðu það þig”. 

Þó orðin hafi enga sérstaka meiningu var John viss um að þetta væru heilla orð. 

Caroline er ekki ógnandi, en samt stríðin

Caroline virðist ekki vera ógnandi á neinn hátt eða vilja neinum illt, hún er talin vera hin ljúfasta sál. 

Hún á það til að færa hluti á heimilinu, bækur finnast á bakvið bókahillur, kerti finnast inni í ofnum við þrif. 

Pennar, peningar og matur eiga það til að hverfa og birtast aftur á furðulegustu stöðum. 

Sumir hlutir finnast aldrei aftur.

Caroline hvíslar, færir hluti úr stað og fiktar í rafmagnstækjum

Caroline hefur eytt sínum tíma mest í það að leika sér að fela hluti, fikta í rafmagnstækjum og hvíslar af og til.

Það er ekki vitað hvar dúkkan er niðurkomin þar sem eigendur hennar hafa ákveðið að vera í hálfgerðum felum með hana.

Síðast þegar fréttist af Caroline, árið 2004, voru paranormal rannsakendur að taka viðtal við eigendur hennar. 

Dúkkan var þá tengd við EMF álesturstæki, eða tæki sem mælir rafsegulbylgjur, hún gerði þó ekki mikið í það sinn en nokkur hvísl náðust samt á upptöku. 

Ekki hefur spurst til Caroline frá því árið 2006, þegar eigandi hennar lést

Eigandi hennar dó 2006 og þá hættu allar rannsóknir á dúkkunni.

Það var sagt að eftir að eigandi hennar dó að hún hafi róast mikið, eins og skapið hennar hefði dempast. 

Eins og hún hefði bara fengið nóg.

Hlustaðu á hlaðvarpsþáttinn um dúkkur þar sem við ræðum m.a þessa sögu!