Glasið sem endurstillti sig

Úr 8. þætti; "Veruleikavillur"

---

Ég var hjá vini mínum, við fórum í eldhúsið til þess að ná okkur í vatnsglas og fórum svo með þau upp í herbergi þar sem við ætluðum að spila tölvuleiki.

Hann setti vatnsglasið sitt á bókahilluna og sneri sér svo til þess að loka hurðinni, þegar hann sneri sér rakst hann í glasið og það datt á gólfið.

Það var vatn allstaðar og vinur minn var frekar pirraður því það urðu nokkrar bækur blautar líka.

Við fórum niður að ná í eldhúsrúllu til þess að þurrka vatnið upp og vorum komnir upp í herbergi kannski mín seinna.

Þegar við opnuðum herbergishurðina sáum við að bleytan var horfin af gólfinu, bækurnar voru þurrar og óskemmdar.

Þá litum við upp og sáum fullt vatnsglas á bókahillunni. 

Við vorum einir heima.

Hlustaðu á hlaðvarpsþáttinn um Veruleikavillur, þar sem við ræðum meðal annars þessa frásögn!