Villuvegurinn

Úr 1. þætti; "Tímavillur"

---

Ég var á leið heim fá pabba að kvöldi til og ákvað að fara lengri leið, þar sem styttri leiðin heim var óupplýst og mér fannst óþægilegt að fara hana í myrkri.

Ég keyrði á upplýstum vegi og snögglega beygir bíllinn fyrir framan mig útí kannt, til að hleypa mér framúr.

En þegar ég fer framúr honum fer hann beint fyrir aftan mig mjög nálægt með háu ljósin á og eltir mig. 

Á þessum tímapunkti var ég að lenda í næsta bæ, þar sem voru búðir, veitingastaðir hótel ofl þannig að ljósin voru ennþá bjartari.

Allt í einu er eins og slökkt sé á öllum ljósum og ég heyri skell eins og bílskúrshurð sé að lokast, þarna er ég  keyrandi um í algeru myrkri á mjóum vegi með engan bíl fyrir aftan mig. Hvað er eiginlega að gerast, hvar er ég ?

Þá átta ég mig á því að ljósin á mínum bíl lýsa á skilti sem er framundan og á því stendur Gale Road, sem er nafnið á veginum sem ég hefði farið ef ég hefði valið styttri leiðina heim, sem ég gerði ekki, vegna myrkurs.

Ég áttaði mig á því að ég var komin nánast á sama stað og þegar ég fór af stað, þó að ég hafi verið komin langleiðina heim áður en þetta gerðist. Ég þurfti að hefja bíl ferðina uppá nýtt

En í þetta skipti ákvað ég að fara styttri leiðina heim, þá leið sem mér var illa við að fara í myrkri, vegna þess að pabba var vanur að hringja í mig til að tékka á hvort ég væri ekki örugglega komin heim og þar sem þetta ferðalag mitt hlyti að hafa nánast tvöfaldað tímann sem það tæki mig vanalega að keyra heim, ákvað ég að fara styttri leiðina.

Ég var viss um að pabbi væri þegar búinn að hringja nokkrum sinnum og væri farinn að undrast um hvar ég væri og hvort allt væri í lagi hjá mér.

Þegar ég kom loksins heim, hringdi síminn, það var pabbi að tékka á mér

ég byrjaði að afsaka hvað ég hefði verið lengi á leiðinni og spurði hversu oft hann væri búinn að hringja, það var bara hljóð á hinum endanum, loksins sagði pabbi að hann hefði bara verið að hringja núna í fyrsta skipti og að það væri bara liðinn hálftími frá því að ég fór frá honum þannig að ég væri ekki búin að vera neitt lengi á leiðinni.

Ég sagði pabba þá frá því sem hafði gerst, en get eiginlega ekki ennþá sjálf útskýrt nákvæmlega hvað það var sem raunverulega gerðist þetta kvöld á þessum vegi.

Hlustaðu á þáttinn um villuveginn og fleiri tímavillur!