Þorpið úr fortíðinni

Úr 1. þætti; "Tímavillur"

---

Þegar ég var um það bil þrettán ára eyddi ég sumarfríinu mínu, eins og venjulega, í ensku sveitinni og var vanur að hjóla frá þorpinu, þar sem ég gisti, í bæinn. 

Við fórum venjulega þessa leið með bíl og ég var mjög undrandi yfir því hversu miklu meira í umhverfinu ég tók eftir á hjóli. 

Á þessum tiltekna degi sá ég lítið þorp eða bæ ásamt lítilli kirkju eða kapellu í trjárjóðri öðru megin við veginn. Mér fannst þetta alveg yndislegt - ég hafði aldrei tekið eftir þessari litlu þyrpingu húsa áður og hugsaði með að ég ætlaði að hjóla í gegnum þorpið á leiðinni aftur frá bænum til að skoða mig örstutt um. 

Þegar ég hjólaði tilbaka úr bænum voru húsin enn greinilega sýnileg í gegnum trén en vegna hversu seint var orðið ákvað ég að drífa mig beint heim.

Degi eða svo seinna fór ég sömu leiðina með móður minni í bílnum okkar og reyndi að sýna henni þorpið sem ég hafði uppgötvað, en það voru engin merki um það. 

Ég hjólaði til baka og leitaði aftur og aftur í nokkra daga en skildi ekki afhverju ég gat ekki fundið þorpið eða nein ummerki um það aftur, né neitt sem ég hefði getað missýnst hafa verið þorp. 

Jafnvel nýlegt könnunarkort af staðnum sýndi ekki neina byggingu eða byggingar sem gætu útskýrt það sem ég hafði séð. 

Fyrir rest gerði ég bara ráð fyrir að ég hefði haft rangt fyrir mér og ég hafi einhvern veginn misséð eitthvað.

Um það bil tuttugu árum seinna var ég á krá um það bil þrjár mílur frá þeim stað sem ég sá þorpið, og ég rakst á gamalt bæjarkort af svæðinu frá Viktoríu tímabilinu og sá þar mynd af litlu þorpi og kirkju í rústum á nákvæmlega sama stað og ég hafði séð þorpið tuttugu árum áður. 

Þorpið er ekki lengur skráð á nútímalegra kortinu, en á eldra kortinu sáust nokkuð greinilega leifar af  litlu þorpi og kirkju. 

Ég velti því fyrir mér hvað hefði gerst ef ég hefði í raun heimsótt þorpið í stað þess að hjóla framhjá.

Hlustaðu á þáttinn okkar um týnda þorpið og aðrar tímavillur!