Draugurinn í Sturtunni

Úr 2. þætti; "Ærsladraugar"

---

Ég fór með vinkonu minni til vinkonu hennar sem hafði talað um að það væri eitthvað að gerast heima hjá sér. Vinkona mín (kölluð A) var ekki viss um hvort Vinkona sín (kölluð B) væri í geðrofi eða það væri eitthvað í alvöru að gerast heima hjá henni.

Ég fór óafvitandi af þessum pælingum hjá A, samkvæmt minni bestu vitund átti B bara erfitt og við vorum að skutlast með mat til hennar.

Ég þarf svo að fara á klósettið hjá B og þegar ég er að fara útaf baðherberginu sé ég mann standa í sturtunni. 

Ég sé að hann er í síðum frakka, með dökkt millisítt hár og djúp augu, hann horfir á mig á móti. Ég sé samt líka flísarnar í sturtunni í gegnum hann, hann er eins og gegnsær. 

Ég vil þá bara koma mér út hið snarasta áður en hann eltir mig því hann sá að ég sá hann. 

Svo kem ég heim og þá sé ég flygsur á sveimi heima hjá mér, ég heyri þungan andardrátt í eyranu mínu og seinna fer mynd á veggnum mínum að sveiflast og kastast svo af veggnum (dettur ekki beint niður heldur kastast af og út á mitt gólf, í átt til mín).

Ég fór og gisti hjá pabba mínum í tvo daga, þegar ég kom aftur heim var þetta farið.

Hlustaðu á hlaðvarpsþáttinn um Ærsladrauga, þar sem við ræðum meðal annars þessa frásögn!