Frá Jóni

Úr 2. þætti; "Ærsladraugar"

---

Fyrst eftir ég fór að heiman þá flutti ég með vini í nýbyggingu í Kópavogi.

Fyrstu mánuðirnir voru í lagi en eftir það komu upp mörg tilfelli á um 2 mánuðum. 

Ég fór a.m.k. 2 sinnum út úr íbúðinni af hræðslu eða svaf með ljósin á.

Eitt skipti skrapp ég út í sjoppu að sækja mér hamborgara, þegar ég kom til baka kannski 15 mín seinna þá var stór rococo stóll búinn að snúast við í 180 gráður og lá alveg upp við vegginn, svo var stytta sem var komin á hliðina og hausinn á henni farinn af og lá á gólfinu.

Einu sinni þegar frænka mín var í heimsókn, þá fór einn matardiskur á gólfið fyrir framan fæturna á okkur, var stafli líka á borðinu með 3 diskum, efsti diskurinn lyftist aðeins upp skall niður aftur.

Það var svo eitt kvöldið sem ég var einn heima sem ég virkilega hugsaði um að fara út, en var undir sæng.

Þá heyrði ég  svefnherbergishurðin hjá mér að lokast þannig það lá á hjörunum og svo skellast upp við vegginn og hélt svona áfram smá stund. 

Vinur minn spurði mig um morguninn hvort ég hafi verið með stelpu inn í herbergi um nóttina því hurðin hafi verið lokuð. Ég svaf alltaf með opna hurð. En þessa nótt  svaf ég með kveikt ljósið.

Hurðin í herbergið mitt fór reglulega að sveiflast fram og til baka , hlutir að kastast af veggjum og lenda á miðju gólfi og skrítin hljóð á næturnar. 

Síðasta tilfellið er ég ekki viss hvort það hafi verið draumur eða ekki, hann var svo raunverulegur. 

Ég lagðist upp í rúm og lokaði augunum, eftir að mér finnst nánast engan tíma þá finn ég eins og sest sé á rúmgaflinn hjá mér.

Ég opna augun og sé að þetta er guðfaðir minn sem lést mörgum árum áður.

Ég var meðvitaður um að hann væri dáin en ég var ekki hræddur, ég settist við hliðina á honum og hann tekur í höndina á mér og segir við mig að hann sé alltaf hjá mér og hafi alltaf verið.

Ég kinkaði kolli og lagðist aftur niður og lokaði augunum.

Þegar ég opnaði aftur augun þá var hann horfinn.

Ég fann ekki fyrir fleiru í þessari íbúð og mörg ár eftir.

Það voru líka hlutir í gangi heima hjá foreldrum mínum og á öðrum stöðum sem ég hef búið á eftir á. 

En eftir þennan draum þá datt allt niður í dágóðan tíma.

Hlustaðu á hlaðvarpsþáttinn um ærsladrauga þar sem við ræðum meðal annars þessa frásögn!