Imogen

& Mothercare verslunin. Úr 1. þætti; "Tímavillur"

---

Árið 2011 ákvað hin 17 ára gamla Imogen að fara til Liverpool til þess að kaupa gjöf handa systur sinni.

Hún Abigail hafði nýlega eignast lítið barn og Imogen langaði að færa þeim eitthvað fallegt.

Þegar hún kom að horni Lord Street og Whitechapel, sá hún að ný MotherCare verslun hafði opnað í götunni og ákvað hún að kíkja þar inn.

Hún gekk um búðina og týndi til peysur, smekki og fleira sem hentaði handa litla barni systur hennar.

Það kom henni á óvart hvað verðið var lágt, en hún var sannfærð um að það væru tilboð í gangi vegna opnunar þessarar nýju verslunar.

Þegar hún kom að kassanum og ætlaði að greiða fyrir vörurnar með kortinu sínu, horfði afgreiðsludaman á hana með tortryggni og náði í yfirmann sem sagði Imogen að þau tækju ekki við kortum, bara peningum.

Imogen varð vonsvikin og skilaði vörunum, því hún hafði ekki tekið með sér lausafé.

Þegar Imogen kom heim og sagði móður sinni frá nýju MotherCare versluninni og ævintýrinu með kortið, varð móðir hennar hissa og sagði henni að þessi verslun hefði lokað fyrir mörgum árum síðan, þarna væri núna banki og það var meira að segja viðskiptabankinn hennar.

Þar sem móðir Imogen trúði henni ekki, ákvað unga konan að fara með móðir sína þangað daginn eftir. 

Eins og mamman hafði sagt, var bara banki þarna, en ekki MotherCare verslun.

Imogen fór ekki mjög langt aftur í tímann, því hún hefði tekið eftir breytingu á peningum sem átti sér stað í pundum í kringum 1970 og eitthvað.

Þannig að hvaða tíma ætli hún hafi heimsótt þennan dag?

Hlustaðu á þáttinn okkar um Imogen og tímavillur!