The Royal Arcade verslunarmiðstöðin

Anna Axelsdóttir Sandholt
Jun 4, 2024
5 min read

Úr 2. þætti; "Reimdir Staðir"

Við endurbætur á Royal Arcade verslunarmiðstöðinni í Keighley, vestur Yorkshire árið 2003, fannst dáldið undarlegt, undir verslunarmiðstöðinni var neðanjarðar verslunargata í Edwardískum stíl, sem er talin vera frá 19 öld.

Þetta er neðanjarðar verslunargata með verslunum sem eru það heilar að rúður, hurðar og meira að segja einstaka auglýsingaskilti eru ennþá heil.Það eru ennþá gamlir munir í þessum verslunum og margt áhugavert og heilt.

Það er furðulegt að hugsa til þess að heil neðanjarðar verslunargata eða götur hafi verið faldar og gleymdar í allan þennan tíma, en þannig var þetta nú samt og enginn virtist vita af þessum fjársjóði.

The Royal Arcade verslunarmiðstöðin var opnuð í fyrsta skipti 24. Maí 1899, hún samanstendur af götum sem hafa verið yfirbyggðar og mynda T, verslunar byggingarnar sem eru á tveim hæðum raðast meðfram þessum götum og fyrir ofan verslanirnar eru íbúðir sem eru á annarri hæðinni og þar hefur fólk búið nánast frá upphafi, síðan 1901.

Royal Arcade fór að láta á sjá í kringum 1980 en var svo lokað og nánast í eyði í kringum 1987, þó voru einhverjar íbúðir á efri hæðinni áfram í notkun, en staðurinn var illa farinn og allar búðirnar farnar.

Þannig að í 12 ár stóð þessi fallega verslunarmiðstöð í niðurníðslu.

Því árið 1999 var The Royal Arcade selt og nýjir eigendur hófu framkvæmdir og viðgerðir á staðnum til að koma honum aftur í notkun og í eins upprunalegt horf og mögulegt var.

Það var þá sem hreinsunar framkvæmdir hófust m.a. á geymslusvæðinu í kjallaranum, undir verslununum.

Engum datt í hug að þarna væri neitt nema einstaka geymslur undir verslununum sem þarna voru

Það var svo mikið dót og rusl þarna niðri að það þurfti bókstaflega að moka þar út og það tók tíma, en smátt og smátt fór að koma í ljós að þarna voru götur sem tengdu kjallara rýmin undir búðum Royal Arcade. Smátt og smátt komu í ljós þessar neðanjarðar verslunar götur, sem lágu eins og efri hlutinn í T.

Það eru skiptar skoðanir á því hvort þessi hluti hafi verið ofanjarðar á einhverjum tímapunkti, eða hafi alltaf verið neðanjarðar.

Einhverjir segja að þessi neðanjarðar verslunargata hafi á einhverjum tímapunkti verið ofan jarðar, sem sagt á jarðhæð. Svo með breytingum og þróun í gegnum aldirnar, hefur hún farið neðar, miðað við umhverfið og að lokum bara verið komin undir yfirborðið í kring. Henni hefur svo verið lokað og byggt yfir hana.

Aðrir vilja meina að hún hafi alltaf verið neðanjarðar og að þarna niðri hafi verið starfsemi sem hafi ekki endilega verið til fyrir aðals stéttina, heldur eingöngu fyrir almúgann ( svona til að halda ákveðinni ímynd á yfirborðinu og því sem ekki þótti fallegt eða virðulegt, væri best geymt í kjallaranum fjarri aðals gestum sem sóttu Royal Arcade heim)

Það eru stigar úr verslununum á jarðhæð niður í þessi neðanjarðar rými, sumir eru enn til staðar en öðrum hefur verið lokað og fyllt upp í (það sást þegar skoðað var neðanjarðar) það eru tveir aðrir inngangar inn í þetta neðanjarðar svæði á sitthvorum endanum á svæðinu, annar stiginn eru stein þrep sem hafa verið lögð og hitt er tréstigi.

Þessum hluta hafi svo verið lokað vegna þess hversu óhollt það var að vera þarna niðri fjarri fersku lofti og sólarljósi.

Þarna niðri má finna m.a. gamalt útsýnisherbergi, þvottaherbergi með upprunalegum laugum og virku loftræstikerfi, söðlasmiðju, sælkeraverslun, skrifstofu, gamaldags góðgerðarverslun fyrir þurfandi og meira að segja vændishús.

Staðurinn var gerður að hluta til úr gömlum byggingum, múrsteinar ofl var notað úr byggingum sem voru á staðnum á árunum 1825-1838. Árið 1847 var svo búið að byggja lengju af húsum, sem stóðu á þeim stað sem Royal Arcade myndi rísa mörgum árum seinna.

Þar sem þessar byggingar og kaup á landi var gert í áföngum er erfitt að segja til um hvaða byggingar eru frá hvaða tíma svona nákvæmlega, en verslunargatan Royal Arcade opnað 1901, en við hana var svo bætt og breytt í nokkur ár.

Þegar tiltektinni neðanjarðar var lokið, ákváðu eigendurnir að leyfa fólki að skoða þarna niðri, staðurinn er ekki beint opinn almenningi, en það er hægt að fá leiðsögutúr í gegnum svæðið og hafa paranormal rannsakendur, miðlar ofl andlegt fólk fengið að fara þarna niður í þeim tilgangi að rannsaka staðinn.

Og já, heldur betur hefur þessi staður fengið það orðspor á sig að vera mjög reimdur.

Flestum kemur saman um nokkrar sérstaklega áberandi anda sem virðast ásækja þau sem þangað koma

Gestir staðarins taka eftir furðulegum hljóðum, tilfinningu eins og væri verið að fylgjast með þeim og jafnvel heyra eða upplifa hluti þarna niðri sem ekki er hægt að útskýra á eðlilegan hátt

Það er ennþá hluti af þessum götum þarna niðri sem enginn fær að koma í, þar hefur ekki verið tekið jafn mikið til, þannig að partur af þessu svæði er ennþá aflokaður.

Þeir andar sem fólk hefur náð sambandi við

Maðurinn með pípuhattinn

Einn sem er áberandi er mjög hávaxinn maður sem virðist vera frá viktoríutímanum, hann er nefnilega með pípuhatt. Hann lætur vita ef sér og fylgist vel með þeim sem koma í heimsókn, hann ýtir við fólki sem honum finnst hafa stoppað of lengi.

Billy

Vann í söðlasmiðjunni, hann var drykkfeldur og ekki sérstaklega vel liðinn af samferðarfólki sínu. Hann datt niður stiga og lést á svæðinu.Fólk hefur heyrt hann detta niður stigann ( allavega einhvern detta niður stigann) Hann á það til að veita konum sérstaka eftirtekt og lætur vita af sér með sígarettureyk sem er svo áþreifanlegur að það fer ekki á milli mála, fólk finnur vel fyrir þessum reyk og lyktinni sem fylgir.

Barn/börn

Það hefur heyrst í barni og sagan segir að það hafi verið vændiskona á staðnum sem hafi átt barn sem hafi dáið þarna niðri, mismunandi sögu fara af því hvort barnið dó af slysförum eða var myrt. En margir hafa heyrt barn eða börn hlæja eða flissa og hlaupa um.

Rosalind

Er talin vera ein af mörgum sem halda til í vændishúsinu og segja sögurnar að hún hafi verið vændiskona á staðnum. Margir karl gestir hafa fundið strokur á undarlegum stöðum, verið klóraðir og fundið kulda sem fylgir hennar nærveru.

Oft heyrast ur og svona eins og snökt eða grátur í barni og stundum konu.

Dynkir, bank og fótatak heyrist oft

Flautað, blístrað

Bankað

Hlutir færðir til

Fótatak

Andardráttur

Raddir hafa náðst á upptöku, greinilegar raddir

Fólk hefur upplifað snertingu, klór för á baki, eins og togað sé laust í hár og andadrátt sem vekur gæsahúð, þykkt andrúmsloft

Fólk finnur fyrir höfuðverkjum

Hurðar hafa lokast og læst, þannig að fólki hefur ekki komist út og aðilar sem hafa verið með leiðsögutúra um svæðið tala um að fara aldrei þarna niður einn.

Það er talið að allavega um 10 týndar sálir séu þarna niðri, jafnvel fleiri og sumar sem hafa aldrei gengið á þessari jörð sem manneskjur, heldur koma annars staðar frá og hafi hreinlega verið ákallaðar á þennan stað…

Evil hefur heyrst oftar en einu sinni og fólk hefur talað um mjög hávaxinn skugga sem fylgir fólki eftir og hefur mjög yfirþyrmandi nærveru, fólk finnur kulda, höfuðverki, flöskur leika omfl. Í tengslum við þennan skugga….. sumir vilja meina að maðurinn með pípuhattinn sé þessi Skuggi, en ekki eru allir sammála um það…..